cardatahk 香港汽車登記分析文章 hkcaranalytics articles

  電動單車喺香港雖然仲未合法化，但係喺香港街頭仍然隨處可見，踩電動單車嘅人除咗用嚟代步嘅普通市民之外，亦都有唔少係外賣仔。 如果你係反對電動單車嘅，你有冇諗過：   雖然電動單車仲未合法化，市面上又冇乜電動單車買，咁點解條街上面又有咁多電動單車？ 如果你係支持電動單車嘅，你又有冇諗過：   香港人可以點樣買電動單車？邊隻型號比較好？今日呢篇文章嘅主題係探討下香港常見嘅電動單車類型同埋型號，無論你對電動單車嘅立場係咩？，相信呢篇文章都可以解答到你對電動單車嘅問題。 香港電動單車種類   據我喺條街上面同埋網上（包括Carousell，Facebook MarketPlace，同埋新聞上面比警察扣留嘅電動單車圖片） 嘅觀察， 我會將電動單車分為四大類 第一類：摺疊電動單車 第二類：山地電動單車 第三類：自行組裝嘅電動單車 第四類：粗胎電動單車 唔同種類電動單車嘅常見型號同款式   第一類嘅摺疊電動單車，體積細，價錢平，電池又通常可以拆出叉電，無論係摺埋成部放入屋，定係單獨拆粒電池上樓叉電，都十分之方便，啱晒香港人用，係香港最常見嘅電動單車類型。 常見型號： Vooka 沃伽牌電動單車 呢款電動車車身小巧，電池收埋喺車架裏面，隱蔽性高，相對唔容易俾人發現，喺香港隨處可見。 呢種摺疊電動車喺大陸又被稱為代駕車，因為車身更細（相比於其他摺疊電動單車），方便放入車尾箱，因此被代駕行業廣泛使用，優點係車身更加小巧，缺點係電池更為明顯，比較容易比香港執法人員察覺。呢款車好多牌子都有推出，香港常見嘅有Forever 永久，Flying Pigeon 飛鴿，Wuyang 五羊，Sunra 新日，Tailg 台鈴，Engwe 英格威，Phoenix 鳳凰等等。 Lanke Leisi 電動單車 喺香港都幾受歡迎嘅電動摺疊單車，亦受南亞外賣員歡迎 Baicycle 小白電動單車 設計時尚小巧嘅電動摺疊單車 Zhengbu 正步電動單車 另一款喺香港都有一定數量嘅電動摺疊單車 Jetson haze電動單車 美國牌子電動單車，最高時速每小時15.5英里（約每小時25公里）   第二類嘅山地電動單車，體積比較大，車呔都比較大，部份型號電池又可以取出充電，有啲型號亦可摺疊，係香港常見嘅電動單車類型。 常見型號： Omeci/Geruit...

 電動車而家越嚟越普及，好多人買車都會選擇電動車，特別係喺油價高昂嘅香港，入一升油已經要20蚊以上，即使幾鍾意油車，仲揸油車就好似對唔住自己嘅荷包咁。2025年8月至2026年7月一年間，喺香港首次登記嘅私家車有66188部，當中51893部係電動車，其餘14295部先係汽油車，即係大約3.6部出牌嘅電動私家車之中，先有1部汽油私家車出牌。由此可見，電動私家車喺香港真係非常受歡迎。  雖然條街多咗好多電動車，但係電動車粒電池壽命有限，你又有冇諗過，萬一電動車嘅電池壞咗，咁點算呢？係咪一定要劏車？有冇得維修？換電池又得唔得？會唔會好貴？ 電動車電池耐用度/壽命   電動車電池嘅壽命有幾多？究竟襟唔襟用？答案可能出乎你嘅意料，其實電動車嘅電池可能比你想像中更加耐用。如果你喺香港條街望吓，你就會發現街上面仍然有唔少第一代Tesla Model S 喺條街度行緊，呢啲車好多車齡都有成10年以上，當中好多公里數都超過二十萬，仍然喺條街度行緊，司機甚至攞嚟做Uber等網約車平台，證明電動車嘅電池都可以係非常之襟用。 第一代Tesla Model S   之不過雖然電動車電池雖然係可以好襟用，但係都有機會壞，例如入水，老化，或者因為撞擊受損，導致電池或者其他電子嘢需要維修，咁市面上究竟又有冇得維修呢？ 電動車有冇地方可以維修，維修過程又係點樣？   其實電動車的確係可以維修嘅，而且都有唔少選擇，除咗好貴嘅原廠維修之外，喺香港，有一啲車房係專維修電動車嘅，例如 EV-Pro Limited  ,  EV-R 香港電動車科研環保再生  同埋  HK Tesla Repair 。 如果車輛有港車北上或者中港牌，亦都可以北上大陸以更平嘅價錢搵大陸嘅車房維修，例如 珠海吉大昌汽車服務中心 ， 迅維新能源維修服務 ， 廣州電車幫 等等。   電動車維修除咗基本嘅保養同埋更換零件之外，亦都可以維修電池。維修電池嘅方式有幾種，例如電池嘅電腦版損壞，可以維修bms電腦版。 維修電動車電池bms電腦版影片例子   如果電池因為撞擊而損壞，亦都可以局部更換電池 局部更換電池例子 當大電池真係冇維修價值，可唔可以成塊更換？   有啲人覺得電車電池一壞，原廠換電池報價又超貴，成部就要攞去劏...